沙士壓境，但原來立法會並冇特別設防。
據了解，到目前為止，班尊貴議員都冇人提議要好似學校或者機場咁，喺議事堂內外裝設紅外線機或探熱器測體溫，連戴唔戴口罩都係自行決定，冇話一定要戴，所以目前並冇特別措施。
咁啲議員同官員或者會自律啫，好似涂謹申咁，佢有啲燒都唔去開會，但係公眾席又點呢？係咪要諗諗一視同仁，人人都測吓，咁就安全啲。
李柱銘話對呢個問題冇特別意見，但佢都覺得政府好混亂，又話叫人戴口罩，但係就時戴時唔戴；俾商界鬧完，就馬上除低，你叫啲市民點跟？特首同班問責高官各師各法，但係八方就發覺葉澍堃同林煥光都比較守規矩，喺公眾場合口罩永不離口。
傳真︰2623-9278
電郵︰