何韻詩、麥浚龍（Juno）和男子組合Shine等，前晚在尖沙嘴文化中心大劇院出席「e-magICMA大專聯校歌唱比賽02-03」。
何韻詩表示以前曾在加拿大唐人街參加過「歌唱歌王比賽」，她更演繹郭富城的歌曲《狂野之城》，並得到最佳台風獎。何韻詩說：「我入咗五強時重要唱慢歌，我借咗阿媽啲衫着，但化妝就自己化，比妖女重妖。」但何韻詩就否認自己是發明星夢，她說：「只係表演慾強，我又試過扮香港小姐，將個垃圾桶笠喺個頭度。」
此外，Juno表示不相信余文樂被環球唱片雪藏，他說：「我同佢都係俾人攻擊下成長，我知道阿樂呢排都錄緊歌。」有傳Juno近日搵健身教練幫助積極增高，他說：「冇啲咁嘅事，我唔係特別矮，我十九歲重有得高，況且太高跳舞都唔好睇。」 採訪、攝影：李珮洳