江澤民雖然唔再係黨和國家最高領導人，但係佢老哥手握兵權，又真係威武非常，話由軍方緊急抽調一千二百名醫護人員去北京幫手，就馬上成行，真有效率。
所以話，我哋有「江握手」之稱嘅特首董建華真係唔使客氣噃，如果再唔掂，打個電話畀契爺江主席，講明來意係為咗對抗沙士，佢一定會出手打救你，駐港解放軍真係可以隨時出動。
八方查過，根據《基本法》第十四條規定，「特區政府在必要時，可向中央人民政府請求駐軍協調維持社會治安和救助災害」，咁沙士肯定係一場突如其來嘅災害，請PLA出嚟頂住一陣都好呀，唔使班香港護理員個個瞓低，打仗呢味嘢，解放軍一定比我哋醒啲。
上次胡錦濤主席話已經準備好一切幫你，只要你老哥開句聲就掂，你又唔領情，今次就唔應該再執輸啦。
傳真︰2623-9278
電郵︰