北京近日成為非典型肺炎重災區，王菲與愛女竇靖童目前正身處當地，王菲雖如常每天出外錄音，但童童則已暫時停學，留在家中避炎。
昨日本報致電王菲的經理人邱王黎寬，她說：「阿菲同童童𠵱家都喺北京，童童已經冇返學，阿菲就繼續為新碟錄音。阿菲都知北京嘅非典型肺炎問題好嚴重，所以佢都唔出街，一錄完音就即刻返屋企。」問到阿菲身處高危地區會否擔心？邱王黎寬說：「冇得擔心㗎，盡量小心啲囉。」阿菲何時返港？邱王黎寬只說：「返嚟香港咪一樣。」
此外，謝霆鋒現時身在雲南拍攝電影《玉觀音》，基於非典型肺炎擴散，前日電影公司已安排霆鋒及所有工作人員照肺及驗血。而霆鋒原定在雲南拍戲期間，每周要返港一次做宣傳，現時宣傳活動亦全部取消，同時他在深圳、佛山及廣州舉行的演唱會，亦一律延至七月才舉行。
採訪：朱芷瑩、胡比