黃佩霞和MaggieQ昨日齊往中環出席LeonardDrake開設的Spa中心開幕活動，MaggieQ是該中心的代言人，而黃佩霞則獲大會送贈VIP卡。
非典型肺炎肆虐，MaggieQ表示亦受影響，她說：「之前去過北京、上海等地做嘢，嗰時內地都未公布非典型肺炎有幾嚴重，嗰時我戴住口罩，總俾人笑，𠵱家先知有幾大件事。肺炎對我工作都有少少影響，好多工作要延期，好彩冇取消，冇乜損失。」
MaggieQ又透露工作大計，將與朋友合資於九月出版一本題材圍繞亞洲少女的雜誌，並邀請黃佩霞為雜誌擔當攝影師，黃佩霞說：「起初以為Maggie玩玩吓，不過覺得佢今次真係好認真。」
問黃佩霞非典型肺炎對她的高溫瑜伽學校有否影響，她說：「之前生意差咗少少，好彩政府呼籲人多做運動，𠵱家安排每班人數少啲，同埋保持教室清潔。」