人人都擔心會感染非典型肺炎，於是想盡辦法增強自己的抵抗力，結果搞到維他命C補充劑全球缺貨。買唔到，點算好？其實唔少生果蔬菜都含有維他命C，例如每日食1個奇異果，已經足夠人體所需的份量。只要識飲識食，就唔使同人爭購維他命丸，都夠晒抵抗力預防病毒入侵。
記者：李敬賢
攝影：伍慶泉、陳智良
Model：Su-Mei（Imagine）
全世界都「防炎」，人人爭住服食維他命C補充劑，搞到賣斷市。私人執業註冊營養師岑楊毓湄就不認同這個做法，她說：「不少生果蔬菜已有足夠的維他命C，但如果你覺得自己就快感冒患病，就可以服食補充劑加強抵抗力，否則長期倚賴補充劑，一旦停止服食，反而變成缺乏維他命C，就算患上普通感冒，就需要更長時間才會康復。」
每人每日建議服食75至90毫克的維他命C，一個奇異果就夠數，岑太說：「均衡的三餐加一個橙就已經足夠，如果唔放心，可以食兩至三個唔同種類的生果。要預防非典型肺炎，有均衡飲食就可以，唔使額外食補充劑。」
黃天敏營養師指出，維他命C接觸到空氣，以及在攝氏70度以上都會流失，亦會溶化於水中。如果想減少流失維他命C，煮食時要注意四項要訣：
（一）蔬果表皮可幫助保存維他命C，所以連皮放到雪櫃內，最佳溫度是攝氏0至?0度，但超過兩個月也會流失得七七八八。
（二）切開的蔬果要即食，否則用保鮮紙包住才放入雪櫃，亦不要用鐵製容器。
（三）切粒蔬果愈大粒愈能保存維他命C。
（四）減少烹調時間，所以烹調方法以蒸、快炒及微波爐煮食為佳，可以保存到最多維他命C，並要減少用水煮食，若煲湯，就要湯水連湯料一齊進食。
（五）新鮮未經煮製的蔬果有最多維他命C，沙律就是最佳做法。
維他命C可以不假外求，但日日食橙、食奇異果又會好厭，米施洛營養護康中心黃天敏營養師就設計了多款含豐富維他命C的菜式和飲品，簡單易做。
維他命C含量：中型番茄25毫克
貼士：薯仔及番茄切得大粒些，避免維他命C流失，而且要湯水連湯料一齊食，先至吸收到所有維他命C。
材料：
薯仔2個、番茄2-3個、牛肉4両、鹽少許。
做法：
1.薯仔去皮洗淨切粒，番茄洗淨切粒。牛肉切片或免治，加入生抽、胡椒粉及生粉拌勻調味。
2.把足夠份量的水放進湯煲內，把薯仔煲10分鐘後，放入番茄煲5分鐘，最後加入牛肉，水滾即收火，放鹽調味即成。
維他命C含量：黃椒一杯342毫克
貼士：三色椒含有極高維他命C，記得煮食時唔好炒太耐。
材料：
青椒、紅椒及黃椒各1個、瘦豬肉4両、沙律醬3-4茶匙（煮食油亦可）、鹽少許。
做法：
1.三色椒洗淨去核切絲，豬肉切成細條。
2.沙律醬放入鑊中煮溶（或將油加熱），加入三色椒絲及肉絲，放鹽調味，以高溫快炒即成。
維他命C含量：100克檸檬汁48毫克
貼士：檸檬汁最後才加入魚柳中，減少了受熱時間，避免維他命C流失。
材料：石斑魚塊240克、檸檬1個。
醃料：薑汁1茶匙、生粉1湯匙、鹽q茶匙、胡淑粉及麻油少許。
調味料：鮮榨檸檬汁4杯、檸檬皮切絲、水1湯匙、茨汁1茶匙、糖1湯匙。
茨料：生粉1茶匙、水2湯匙。
做法：
1.石斑肉切件，以醃料拌勻。
2.煲滾適量清水，加入檸檬皮絲，放入石斑塊灼熟撈起，瀝乾水。
3.以1茶匙油煮滾調味料，放入石斑塊及芡料拌勻便成。
維他命C含量：半個西柚45毫克
貼士：金屬鐵會破壞維他命C，所以唔好用鐵製容器盛西柚檸檬汁；奇異果汁亦是另一豐富維他命C的好選擇，只要隨個人喜歡份量榨汁即成，十分簡單。
材料：
西柚1個、檸檬半個、蜂蜜2湯匙、開水3杯。
做法：
西柚及檸檬去皮，把果肉連水及蜂蜜放入攪拌機內，攪拌30秒即成。