古天樂昨日到新城娛樂台接受節目《一個靚墟》訪問時表示，慶幸日前剛往台灣完成宣傳活動，否則台灣政府向港人實施強制隔離十日政策，他便要毀約賠錢。
古仔說：「如果我去唔到就當毀約，我覺得台灣政府咁做對公民好，但對兩岸貿易及做生意嘅人就好大打擊，若果要去旅行亦要隔離十日就好浪費時間。我見台灣人嘅情緒好波動，政府要教佢哋衞生意識，其實最緊要係忠告大家喺屋企要保持乾淨。」
問古仔可有因非典型肺炎影響收入，他說：「呢個環境有邊個會冇損失，除咗藥房同賣口罩嘅人會好生意，其他都受影響。退稅三千蚊都好好用，𠵱家大家唔好鬧政府，要齊心做好抗炎工作。」
採訪、攝影：駱華齡