【本報訊】中學低年級復課首日，教育統籌局局長李國章昨日首次「御駕親征」到三間學校「推銷」復課，可惜部份學生卻當面坦言不希望復課：「我驚交叉感染呀！每日見到多咗人死，復課都好驚呀！」
位於重災區大埔內的沐恩中學，大部份低年級學生昨如期復課，戴口罩學生魚貫走過消毒地氈，多數學生並已自行探熱，而負責檢疫師生都穿上防護衣物。李國章先到該校中一課室向學生稱：「好想返學呢，喺屋企好悶呀，邊個唔想返學嘅舉手啦。」只見一名學生無邪地舉起雙手，校長連忙稱：「你出嚟講吓點解吖。」但該學生即時耍手擰頭。該名姓趙的學生事後稱，擔心受感染，「我驚交叉感染呀！」但他像許多同學般坦言:「唔返學又怕趕唔上課程，喺屋企好悶！」
李國章接着到九龍城培道中學，繼續發揮推銷技巧，可惜仍有學生向他表達憂慮：「每日睇報紙見到多咗人死，個心好唔舒服，復課我都驚㗎。」李國章笑稱：「當初七個學生中招，我哋停課，𠵱家七十幾個中招，反而復課，人哋以為呢個局長係咪癡癡哋㗎。」他再巡視學生貼在報告板的心意卡，一張寫着：「家人都是醫護人員，我的親人出殯，我也不敢去，怕感染……我又很憤怒這麼遲才復課！」
李國章最後到觀塘瑪利諾中學，該校出席率約八成八。校長賴永春說，缺席的主要是低年級學生，中一更是最嚴重，近兩成人缺課。澳洲籍英語老師James說，部份外籍老師復活節回鄉探親後都不再回港，他上周回澳洲後，家人都勸其不要回港，但他相信校方保護措施，故決定回港。
此外，卜維廉中學昨獲得理大的紅外線測溫器，學生二十人一組魚貫到測溫器前站好，不消五秒就完成檢查，約半小時就完成全校八百人的探測。一些淘氣學生更舉起V字勝利手勢。有老師大喊：「唔係影相，唔使排得咁好」。