最近，外國方面有消息傳出，話德國歐寶為迎戰全新寶馬Z4車系，決定推出一款全新跑車與之抗衡，並且極有可能會被定名為GT㖭！
從預想圖中可以睇到，呢款備有開篷及玻璃頂版本嘅歐寶GT跑車，賣相與同廠嘅Speedster跑車相近，但就來得更富流線型，襯以闊大跑車合金胎軨組合，一份高性能跑車韻味油然而生；至於車廂布局方面，則仍有待廠方公布更多關於此車嘅進一步資料後，方可作實。該消息又指出，廠方將會為新車提供多個引擎配搭選擇，包括2.2公升（145匹）、2.8公升（250匹）及頂級版嘅一台3.6公升引擎（馬力300匹），實能迎合不同用家需要。有興趣嘅車迷，就要留意新車嘅推出日期喇！