韓國當紅緋聞情人李秉憲同宋慧喬，日前一齊去意大利影寫真時，事先張揚會留多兩日遊山玩水。噚日佢兩個終於返韓國，當地幾十個記者梗係包圍住個機場等佢哋啦！點知李秉憲同宋慧喬嘅事務所鬼咁誇張，出動大批工作人員將佢哋圍到針都插唔入咁「運走」，搞到冇一個記者影到相。我羅拉就唔明嘞，佢哋咁避忌，點解一早又要話畀人聽幾時返呢？