日產汽車於日前公布咗2003年3月汽車製造、銷售及出口數據，成績比去年同期錄得較大升幅。其中喺汽車製造方面，全球生產線合共生產咗254,920部新車，升幅達5.7%，若分地區計算，日本本土生產線合共生產出139,577部新車（升5%），能錄得如此升幅，都係因為全新Teana車系，以及March同Cube備受車迷追捧所致，而海外生產線嘅產量亦錄得6.6%升幅（達115,343部）呢！至於銷售方面，日本當地共售出123,561部新車，較去年同期錄得升幅高達22.7%，而海外其他市場亦錄得不同升幅，其中加拿大、墨西哥及歐洲地區亦有上升趨勢，分別售出6,284部、16,475部及59,727部新車；但係汽車出口數目方面，雖然上月共有59,621部新車由日本出口，但因商用車出口數目下跌15.5%（10,240部），而令致只錄得0.7%嘅升幅。