航空業受沙士重創，股東、老闆同員工都欲哭無淚，不過世事無絕對，有人認為𠵱家先係搭飛機出門好時機，事關機票真係平到你唔信。保險界立法會議員陳智思每年都要去美國做身體檢查，今年本來打算押後，但又唔知幾時先受控制，最終都係決定起行，結果俾佢搵到着數。
佢話一向坐開國泰，但國泰取消咗好多機，惟有轉坐聯合，飛去美國經濟位只係七千幾蚊，佢用里數積分升級做頭等，比以前平一半有多。但陳智思起行前就要先做一次身體檢查，證明自己無沙士病徵，否則去到美國被隔離就麻煩。
﹙圖﹚陳智思要去美國做身體檢查，但首先要過香港嗰關。
傳真︰2623-9278
電郵︰