愛彼錶女皇盃賽事昨日於沙田馬場舉行，不少名人包括利孝和夫人、趙世曾偕女友Wendy及艾永玲等入場觀戰。趙世曾日前打籃球弄傷左眉部，需縫十五針，但他依然前來博彩。他又無懼肺炎，皆因他熱愛運動，身體健康。
國際賽馬盛事愛彼錶女皇盃昨日於沙田馬場舉行，趙世曾與女友Wendy、艾永玲和未婚夫、「新聞之花」黃德如偕夫婿、夏雅朗與女友及騎師李格力太太江碧蕙盛裝到場觀戰。
六十六歲的趙世曾左眼眉位置貼上膠布，他說：「我上星期打籃球整傷嘅，流咗好多血，去咗醫生度縫咗十五針，希望唔好破相啦！不過就算係，都可以做激光去疤。」
平日愛好打籃球的趙世曾不時受傷，他昨日展示以往扭傷致屈曲的尾指，他描述當日受傷時，女友Wendy在旁做啦啦隊，目睹整個過程亦表現從容。趙世曾說：「我噚日都照常打波，戴住騎師眼罩打囉，日日都游水㖭，不過唔整濕個頭。」
非典型肺炎擴散嚴重，趙世曾沒有戴口罩出現，他說：「我由上個月到𠵱家都冇戴口罩，呢個係我個人標準，驚就鎖埋自己喺屋企啦。其實傳染到肺炎嘅機會好細，救唔番得百分之六，等如中六合彩咁難。我個人唔擔心，不過Roman（兒子）阿媽Terri就好緊張，唔畀Roman出街。」
趙世曾又主動透露女友Wendy的原名叫許冬梅，他說：「我同佢都（一齊）兩周年，遺囑都加咗冬梅個名，留定一份畀佢，將來就隨年期加碼囉！」
此外，大部份出席嘉賓的防炎意識甚低，沒有戴口罩或手套。黃德如腹部微隆，其友人證實她懷有身孕，但她本人則不願多談，問她是否因腹中塊肉未足三個月，她說：「件衫着得我肥啫，我唔會怕BB小器唔認。」
採訪：RitaLeung 攝影：JerryYan
