對於台灣強制香港及內地入境人士須先行隔離十日的政策，鄭經翰昨日接受訪問時，力斥此舉「白癡」，而對於台灣金曲獎有意為赴台出席的香港歌手申請隔離豁免權一事，鄭經翰就表示應對全部港人一視同仁，不該只有歌手才獲優待。
鄭經翰在電話中說：「要申請嘅話，就應該幫所有香港人申請，點解淨係歌手先至有咁嘅特權？其實我覺得香港藝人應該杯葛台灣，唔好去台灣就真！或者掉番轉頭，邊啲人去完台灣返嚟嘅話，要隔離番十日囉！」
此外，范姜素貞自與男友鍾鎮濤拍拖後，便來港定居，她昨日接受電話訪問時，表示支持台灣今次的做法。范姜說：「我睇電視見到香港個乜局長話叫台灣唔好咁做，會影響經貿，我就好支持台灣做法，冇命賺幾多錢經貿幾發達都冇用，好似寶詠琴咁有錢，佢過咗身有錢又點？我啲家人重喺台灣，我都希望佢哋健康安全。我之前喺街見到有人唔戴口罩，我都走去鬧佢。」