夏天雨季來臨，行山玩戶外活動最怕就係遇到失驚無神落大雨，如果遇上打大風就更論盡，喺呢個時候，可以幫到你嘅就只有能夠擋風擋雨嘅風褸，加上強勁透氣及多變嘅新功能，無論幾惡劣嘅環境，都實行同你風雨同路。
記者：馬慶武 攝影：黃子偉
逢星期一至三刊出
功能上無專業戶外用款式咁全面，最明顯係防水能力無咁好，但換嚟嘅則係更通風更適合炎夏穿着，就算着住做劇烈運動都唔會太熱，當然亦好啱喺擁有強勁冷氣嘅辦公室着啦！
OnCoco：Columbia橙色風褸$1,399及喇叭形功能褲$499（a）
Outdoor功能型嘅風褸，配上勁鮮勁搶嘅顏色最入型入格，再加埋防水嘅功能褲，幾惡劣嘅天氣都唔怕。
特別之處係買一件風褸可以當兩件着，一面淺藍一面深藍，設計上亦有少許分別，不過防水功能麻麻，比較適合去街襯衫或打波前後擋吓風。
質料勁薄勁軟，背部有透氣網口，透氣度極高，專為作跑步之用，加上風褸前面較短身，着住嚟跑步絕對唔會加重負擔。
基本風褸外形設計一樣，只是褸身前後都印有反光物料做的圖案，增加晚間在馬路跑步時的安全性。
Outdoor款式嘅風褸，每件都採用勁透氣及防水的專業物料，連縫線位都唔會滲水，落雨唔使濕身之餘重夠晒爽，而且多才多藝，摺埋變袋又得、除低對袖變背心都得，雨季玩戶外活動，點可以唔帶番件傍身。
用上較薄身嘅質料，夠晒輕便，重可以摺埋變身細袋仔，最啱放喺背囊，做足準備安心郊遊。
用上Gore-TexXCR質料，比普通Gore-Tex的透氣度還要高上25%。除咗防水透氣外，最犀利係佢頂帽嘅頂部及頸後都設有索帶，可調校至最Fit尺碼，帽邊更內藏金屬線，可屈曲至最佳形狀，加埋帽頂嘅特別坑紋，可把雨水導流至兩邊，滂沱大雨都應付自如。
karrimor嘅MountainMarathon系列，專業用途唔使多講，輕型得嚟感覺上質料較薄，亦設有可用索繩調校的帽以備不時之需，着嚟跑山一流。
炎炎夏日，唔落雨唔打風時着風褸的確係幾熱，但係呢件可以隨時甩袖嘅風褸就唔同喇，熱嘅時候只需要拉開拉鏈，除低隻袖，即刻將風褸變成背心，有型又通爽。
全件風褸所有拉鏈都係防水設計，褸腳有索繩可收緊，更有效防風。而兩邊腋下亦各有拉鏈一條，可以在炎熱天氣下唞唞氣。
真正要準備應付惡劣天氣，一件風褸絕對未夠，遇到大雨上身唔濕下身濕晒一樣無用，所以最好配上一條防水功能褲，襯成一套確保可以全身而退。
用上Teflon作質料，跣水能力極佳，而且好易清潔，可以放心坐在山邊泥路上休息。
腳管設有拉鏈，可以因應不同環境，隨時長褲變短褲。雖然用料防水功能不太強，但勝在夠透氣，而且弄濕後好快會乾。
（a）ColumbiaSportswearCompany
地址：尖沙嘴栢麗大道G35號舖（23762816）
（b）karrimorshop
地址：旺角煙廠街1-3號地下E舖（27707216）
（c）adidas專門店
地址：尖沙嘴海港城2202店（27306685）