名模歐陽妙芝和歌手陳見飛昨日到紅磡，穿上由理工大學學生設計的新裝，為「別出心裁國際都會雲裳展」任特別嘉賓行天橋。
歐陽妙芝示範火紅絲帶短裙加魚網絲襪裝，紅彤彤搶鏡非常，不過略嫌發福，她說：「我臨場見到件衫，都搞咗好耐先着到。因為非典型肺炎，呢個月嘅工作量大減六成，食多瞓多，咪肥咗七磅。」
蜜運亦易令人心廣體胖？歐陽妙芝甜笑說：「開心都有影響㗎，男友成日陪我食飯，得閒我又買外賣送去佢公司兩個人一齊食，咪肥囉。我男朋友叫Steven，係商人，拍咗三個月拖，幾好，佢係我嘅dreamman，當佢係結婚對象。」她又表示家人和朋友亦大讚其男友。
採訪、攝影：CheokPoFa