見到台灣有醫護人員同病人因為怕俾非典型肺炎感染而爬窗逃跑，又話要生要死，八方對香港嘅醫護人員更加尊敬。兩岸三地都受到SARS襲擊，反應好唔同，真係時窮節乃見。
喺北京，一車一車醫護人員視死如歸上前線；之前廣州嘅醫護人員一樣前仆後繼去搶救世紀疫症病人，置生死於度外；至於嗰位向《時代》周刊揭露北京疫情嚴峻嘅老醫生蔣彥永，其勇氣簡直非筆墨可形容。
回頭看看本港，俾沙士折騰得神傷淚落嘅威院醫生沈祖堯、中大嘅鍾尚志、梁秉中，港大袁國勇，以及無數堅守崗位嘅醫護人員，全部都係市民心中嘅無名英雄。
八方幾位醫生護士朋友都不約而同話：「喺病人需要我哋嘅時候，我哋點可以怕死匿埋咁冇義氣？」
傳真︰2623-9278
電郵︰