英國《泰晤士報》噚日公布佢哋自己編制嘅二○○三年度全球五十巨富榜，八方當然睇吓有冇香港富豪上榜。
有兩位，就係長江實業集團主席李嘉誠同新鴻基地產嘅郭氏三兄弟，其中李超人排名三十三，估計五十二億英鎊身家，折合六百四十六億港元；郭氏兄弟則排第四十四，估計身家有四十四億英鎊，折合約五百四十五億港元；分別較去年減少兩成同三成二。點解？香港乜環境大家都知啦。
如果將呢個結果同上月美國《福布斯》雜誌嘅同類調查比較，誠哥喺《福布斯》嘅排名係二十八位，郭氏兄弟則係第四十二位，俱較今次為高，但美國佬估計佢哋嘅身家則低於英國同業，因此八方始終都係嗰句，睇呢類調查笑下就算，唔使太認真。
傳真︰2623-9278
電郵︰