一場春瘟，搞到淘大花園「家喻戶曉」，相信連特首董建華嘅老友陳啟宗亦冇諗過「咁威」。
陳啟宗係恒隆集團老闆，恒隆八○年收購做豉油嘅淘大，當然唔係因為鍾意食豉油，而係睇中醬園地皮。佢哋將豉油等生意賣番畀舊股東，專心做地產，後來起咗淘大花園，而淘大亦變成地產公司，包括山頂啲商場在內，全港九共有二百幾萬方呎商舖收租。
前年年底，陳啟宗決定放棄「淘大」個名，據說理由係唔想人家誤會佢哋賣豉油，所以將間公司改名做「恒隆地產」。
淘大花園個商場，仍由恒隆管理。由於佢哋免收商戶租，瘟疫受害者都包括陳啟宗在內，好彩佢醒目一早改咗名，否則連間公司都「世界聞名」。
傳真︰2623-9278
電郵︰