自言以前任性反叛、一度與父母決裂的阿倩，自從身為人母之後，終感受到父母的恩情。阿倩眼見年老雙親體弱多病，乏人照顧，遂向房屋署申請調遷至父母住處附近，已獲批准，惜無法籌措一筆搬遷費。蘋果日報慈善基金即時撥款予阿倩，減輕其負擔。
年僅二十四歲的阿倩，毫不隱瞞自己過往一段反叛歲月。她對記者表示，自幼與家人關係疏離，不僅讀書不成，還任意妄為，父母對她可算「死心」。中三畢業後她任職售貨員，離開父母，在外居住，雙方一度斷絕來往。
其後，阿倩認識了一名較她年長十年的男子，並且珠胎暗結，惟當阿倩熱切期待小生命來臨時，男友卻離她而去。「當我話畀佢知有咗之後，佢咩都冇表示，亦冇話會負責，跟住大家就分開咗。直至個女滿月，我打電話去問佢喺唔喺張出世紙上面簽名，同埋叫佢嚟睇吓個女，佢都冇出現。」阿倩淡淡地說。其女兒阿璇今年已經五歲，就讀幼稚園高班，至今從未見過生父一面。「個女三歲就識問爸爸喺邊，我都冇解釋畀佢聽點解。」
養兒方知父母恩，已為人母的阿倩想及以往種種不孝行徑，深感悔咎，加上當年母親知道她誕下阿璇後，不僅沒有責備她，反而每天長途跋涉拿湯水給她調理身體，母女終於重修舊好。
重拾曾經失去的親情，令阿倩學懂珍惜，惟她與女兒居於將軍澳，父母則於觀塘居住，雖然大家只有一程車的距離，惟在經濟緊絀的前提下，雙方平日鮮有見面，只以電話聯絡。「我攞綜援固然要慳，一來一回車錢都唔少，佢哋又退休冇收入。我搬咗嚟幾年，阿爸阿媽都只係嚟過一次。」阿倩表示，父母年事已高，父親早年因工傷及腰骨，母親又患靜脈曲張，兩人行動不便，故她早前向房屋署申請遷往觀塘公屋，已獲批准。
「以前自己曳，對佢哋好衰，令到自己好似冇咗父母咁，𠵱家我真係好想報答番佢哋。我雖然冇本事供養佢哋，但住得近啲，起碼我可以日日幫佢哋買餸，佢哋住緊嘅唐樓冇𨋢，出入都要行幾層樓梯好辛苦。」阿倩說。
按照現行綜援制度，單親家庭不會獲發搬遷津貼，面對突如其來的開支，阿倩彷徨不已。蘋果日報慈善基金即時撥款八千元予她應急。
捐款編號：C0905
暖流熱線
電話：29908688
傳真：23702192
電郵：
網址：