前日，首位香港醫護人員因打沙士不幸殉職，大家都好難過，但港人應該有心理準備，不幸消息會陸續有來；現時喺ICU嘅病者，好多都不樂觀。惟今之計，就係做好防預，盡快搵疫苗，同埋做好善後工作。
噚日又聽到一個悲慘故事，兩個孩子嘅父親由廣西返港，不幸染上沙士，母親亦中招入院，有段時期，兩個小朋友因為冇人照顧要入兒童院暫住，最近父親被沙士打垮了，母親僥倖逃出鬼門關，孩子終於見到親人，但已經冇咗爸爸。
八方知道小朋友間學校同社工都不斷有援手，但係幫到嘅好有限，況且呢啲不幸家庭大都非常低調。
請救救沙士受害者嘅家人，佢哋可能失去經濟支柱，頓陷困境，又可能失去父母，變成孤兒。政府用百幾億救市，每人退三千大元，不如成立基金，解遺屬燃眉之急，例如有人不幸病逝，即獲十萬或二十萬救急，或提供住所，八方第一個放棄三千回水。
傳真︰2623-9278
電郵︰