有時做藝人都幾慘㗎，好似小妹妹上戶彩幾個月前拍個雪糕廣告，當時氣溫只得攝氏幾度，阿彩要着住件小背心食雪糕，喺幕前梗要扮晒消暑解渴啦，其實佢凍到騰騰震，一拍完就即刻着番件大褸保暖。不過現場工作人員話阿彩好為食，鬼咁凍重係咁食雪糕，搞到佢哋要專登開多好多盒新嘅雪糕拍攝。