滙豐控股上周公布委任一位猛人做董事，本來冇乜特別，但八方噚日睇英國報章，佢哋大篇幅介紹呢位新董事未來三年可淨袋四億五千萬港元（五千八百萬美元）。呢位仁兄叫WilliamF.AldingerIII，係美國HouseholdInternational主席兼總裁，滙控收購呢間公司後，佢轉任滙控董事，專責北美業務。
滙控重早喺收購文件內列明，佢終止原有合約時攞到二千零三十萬美元補償金，喺未來三年可保證獲得年薪一百萬美元，年度花紅四百萬美元，其餘福利折現值五十幾萬美元，一千萬美元市值嘅滙控股票、做滿一周年另獲五百五十萬美元股票（三年內獲發兩次）。佢未來三年只要唔走，四億五千萬袋袋平安。
《英國觀察家報》噚日重質問滙控點解咁大手筆？答案非常官式：「佢有重要作用，其薪酬亦合乎美國行政人員慣常安排」。
傳真︰2623-9278
電郵︰