尹光近日為《荷里活大酒店》拍了一個全新MV，與份量十足的女角追追逐逐，玩到嘔奶。非典型肺炎肆虐，尹光有見及此，堅決下月如期舉行「開心爆笑演唱會」，希望以搞笑名曲為市民減壓。
以唱諧趣搞笑歌出位的尹光，多年前有首《荷里活大酒店》唱到街知巷聞，原來他近日為該首歌拍攝了一個全新MV。
尹光在MV中找來一位份量十足的長髮女子任女角，身穿花恤衫的尹光手舞足蹈，和女角追追逐逐，其中他嘔奶和女角食雪糕的鏡頭，都十分惹笑。
非典型肺炎肆虐，令多個演唱會被迫延期甚至取消，尹光卻一於冇有怕，如期在下月十五日至十八日在尖沙嘴文化中心開騷，十五日和十六日會演唱粵曲，十七日和十八日則舉行「尹光開心爆笑演唱會」。屆時尹光會演繹昔日名作包括《荷里活大酒店》和《七個小矮人》，還有新歌《少理阿爸》和《荷蘭銀行支票》等。
近日市道受肺炎影響致一片死寂，尹光堅持演唱會如期舉行，難道他不擔心影響票房？尹光信心十足地說：「唔擔心，𠵱家演唱會啲飛去得幾好，尤其係唱搞笑流行歌嗰兩場，差不多賣咗五成飛，成績唔錯呀。」
尹光續說：「我哋唔取消演唱會係因為香港𠵱家太過死氣沉沉、太多唔開心嘅新聞，咁嘅時勢，最好就係輕鬆吓。」他表示在演唱會開始時，會以輕鬆手法帶出抗炎訊息，希望能紓緩市民近日緊張和不安的情緒。
採訪：戴彩煥
