劉德華最近接受一本男士雜誌訪問，大談自己的好勝心態，他直言自己的好勝心是會視乎情況，他認為自己唱歌不及陳奕迅和張學友好，所以絕不可能在唱歌方面好勝，但他凡事都會給自己一個標準，然後朝着這個方向努力。
劉德華最近為男士雜誌《men'suno》拍攝封面照，他在訪問中大談自己的好勝心態，他認為自己並非在每件事上都好勝。
華仔回想自己當年加入無綫藝員訓練班，他曾給自己一個時限，他說：「我要求自己在三十歲前要做到主角，否則我就返去髮型屋做髮型師，幫人剪頭髮。」
問到華仔可覺自己好勝，他說：「好勝即係鍾意人稱讚，我會睇情況，唔會每件事都好勝，我認為自己有能力先會好勝，好似我𠵱家四十歲，你叫我去跑步，我根本就贏唔到，好似唱歌，我唔會唱贏陳奕迅或者張學友，呢個世界根本有好多人同事係你呢一世都超越唔到。所以我無論唱歌、跳舞同做戲，我都會畀自己一個standard，話畀自己聽要做到嗰個standard，夠唔夠好係人哋畀你嘅稱讚，既然有啲嘢做得再好都唔會畀人讚，咁你點樣好勝都冇用。」
華仔雖然經常出埠，但他始終最喜歡香港的家，他說：「我係一個好鍾意屋企嘅人，一旦出埠一個月或以上，我就會唔開心，無論住乜嘢豪華酒店，我覺得都唔及自己屋企張床咁舒服。」
撰文：比華利