何韻詩個性爽朗又俏皮，衣着具型格。最近她獲意大利品牌Sportmax的副線Sportmaxcode賞識，贊助六位數字新裝，前日她到金鐘的店舖揀衫，其間不改貪玩個性，試穿三套便服，便玩足一小時。
何韻詩個性爽朗，不拘小節，衣着風格年輕具型格，因而獲意大利品牌Sportmax的副線Sportmaxcode看中，提供近六位數字的服裝贊助。
前日何韻詩到金鐘Sportmax店揀衫，其間不改其貪玩個性，一到場便四處走，更走去試穿縛帶斗零踭高跟鞋，不過就不懂縛長長的鞋繩，於是拿着縛帶扮勒頸，記者叫她企定影相，她卻說：「我第一次着高跟鞋，企唔到。」
見到一系列七彩繽紛的雪紡裙，何韻詩即時大叫說：「啱梅姐（梅艷芳）着！」又將衣架掛上頸，玩足一個小時，最終她共試穿了三套簡便新裝。
何韻詩說：「Sportmaxcode今季主題係『BeHappy,Benaughty』，佢哋覺得同我嘅形象、性格好啱，我young得嚟唔算wild，幾青春咁話喎。我就鍾意呢度啲多袋軍褲、卡其長褲、牛仔褲同埋圖案tee，重有好多好basic嘅背心，感覺好何韻詩。」
問何韻詩一季置裝費多少？她說：「都唔定，我着得好casual，有時又有贊助，季季唔同。」
何韻詩自言不是潮流人，寧看漫畫不看時裝雜誌，穿衣服全憑感覺，她說：「多數係image幫我襯定晒啲衫，我逐套scan吓，OK咪着囉。我好信自己感覺，最緊要舒服、自在，就算十個人讚好睇，我着咗唔自在都一定sayno。」
最後，何韻詩表示女性化的熱褲、迷你裙和貼身背心絕非她的一杯茶，她說：「我未有咁嘅材料着。」
採訪：FredaLee
攝影：ChanChiLam
