陳小春、余文樂、容祖兒、關心妍及Boy'Z等昨日齊齊到商台出席《饑饉三十》活動。小春剛由台灣錄音返港，提到部份台灣人因非典型肺炎而歧視港人，小春說：「歧視？我會還拖㗎，我冇咳都特登咳幾聲嚇死佢哋。畀我做董建華，我就要大馬人嚟香港要辦簽證。」
早前小春被拍得與女伴吃情侶套餐，而剛巧張栢芝就在附近晚膳，小春說：「嗰個係同我工作嘅人，點嗌情侶套餐咁核突呀？我話我係基，你哋又唔信，而且我知佢（栢芝）喺街尾食飯呀。」
至於余文樂被問到遭唱片公司雪藏事件時，他說：「陳少寶打咗畀我，叫我唔使理，我𠵱家錄緊音，好多活動都取消晒，所以先少曝光啫。」
另外，容祖兒提到有指鄭希怡（Yumiko）取代其英皇一姐地位，她說：「係唔係一姐唔係我講，係做嘢畀人睇，人哋話㗎嘛，Yumiko係個有潛質嘅歌手，佢係型女。」
採訪：胡比
攝影：陳偉權
