如果你係法國雷諾嘅Fans，相信定必對新版ClioV6大感興趣，皆因新車除造型有改動，較前性能來得狠勁，令人留有深刻印象呢！
新版雷諾ClioV6造型設計，雖然驟眼望落與原有型號沒有太大分變，但理應不難察覺到新車換裝上家族式鬼面罩、全新頭燈及尾燈組合，響全車大包圍及四輪18吋OZ跑車合金胎軨襯托下，一派高性能跑車韻味油然而生。而車廂布局亦略有改動，但一雙承托力極高嘅跑車桶椅仍被保留下來，其他設備亦見齊全易用，乘坐可謂舒適愜意呢！
新版雷諾ClioV6仍以一台設於座席後方嘅3.0公升V6引擎作核心，但經廠方悉心調校後，馬力輸出255ps/7150rpm（增多25匹），加上高達30.6kgm/4650rpm嘅扭力輸出，匹配上一套6前速手動波箱，起步加速反應敏捷有勁，難怪0至100公里加速度僅為5.8秒（較舊有型號快0.7秒），而極速亦增多10km/h（達245km/h）咁快啦！