醫管局打沙士未見成效，已經有人怪罪落嚟，要有人負責。照道理，問責局長楊永強應該責無旁貸，何況醫管局更係佢一手一腳湊大，何兆煒又係佢頭馬，點知高永文自己儍儍吓對號入座，話辭職都冇所謂，真係大無畏精神，比起啲戀棧權位者實在令人敬佩。
真有「黑狗得食，白狗當災」之感。正如立會議員勞永樂話齋，高永文一個人辭職無濟於事，最緊要搵問題所在，點解老董日日一廂情願話要保護前線醫護人員，但歷史就不斷重演，咁即係話老董講嘢冇人聽啦，咁冇面，就要搵人祭吓旗。
八方問醫管局中人，小高頂唔頂得住呢？佢話又唔使太擔心，高永文身經百戰，經得起風浪，況且佢同何兆煒稱兄道弟，一日到黑都有傾電話，冇事嘅。
傳真︰2623-9278
電郵︰