沙士肆虐，人人都怕坐飛機，但係八方有個喺國泰打工嘅老友，最近誠邀八方去東南亞同日本旅遊，話有超平機票，搞到八方心郁郁。
老友話，國泰為咗推動香港人外遊，內部搞咗個「TogetherWeFly」嘅活動，由五月一日至六月十五日，每名員工可以最多帶四個朋友去旅行，員工照例有一折機票，朋友就有「朋友價」。
呢個價非常優惠，好似來往南韓同馬來西亞嘅機票只係一千一百蚊，去東京同大阪就一千八百蚊，台北七百蚊，遠少少嘅澳洲悉尼都係二千蚊，係確認機位嗰種，簡直係一個小型旅行團。咁平價錢坐到國泰機，八方都要認真諗吓，可惜唔包歐美機票，如果唔係重正。
傳真︰2623-9278
電郵︰