歌手麥浚龍（Juno）為拍攝《污點愛人》MV，要吊威吔凌空打觔斗，前日他吊完威吔後，盆骨位置瘀了一大片。
Juno昨日接受本報記者訪問時說：「我嘅盆骨位都瘀晒，好痛。今次我要吊住威吔凌空打兩周半觔斗，排咗幾次，到正式拍嗰陣，雖然我好緊張，但一次過搞掂，有工作人員同我講，我係有史以來第一個藝人咁做，我聽到都有啲尷尬。」
昨日有報道指在上周六港台舉行的《心連心．全城抗炎大行動》中，Juno助手Daisy突然大叫Juno行近劉德華，嚇走對方，事後華仔助手向港台投訴，並聲稱以後有Juno的地方，華仔不會出席。對此Juno說：「我冇聽過我嘅助手講過呢啲說話，我同華仔根本冇嘢，嗰日我哋有打招呼，但冇傾偈。」
採訪：張止寒