有線電視執行董事徐小明，昨日到新城娛樂台接受薛家燕訪問，他更帶同一張二十五年前與薛家燕的合照到場。
徐小明展示那張舊照時說：「大家係咪唔認得我哋呢，我同家燕相識於微時，當時我哋一齊做童星，青梅竹馬，之後我哋又喺麗的做同事。」問到二人當年工作有甚麼趣事？徐小明說：「試過有一次大家做騷，家燕爆呔，但佢都好專業繼續做落去，又唱歌又跳舞，家燕當年好似公主又靚又弗。」
此外，薛家燕的一對子女都已復課，她說：「復課前一晚，我周圍都買唔到耳筒探熱機，淨係搵到支肛門探熱針，好彩阿爸有一支探熱針，我都要即刻去拎，方便同子女探熱。」
採訪、攝影：駱華齡