未婚媽媽許秋怡的預產期是八月，懷有近六個月身孕的她面對不少壓力，加上非典型肺炎肆虐，擔心胎兒情況以致夜夜失眠，情緒不穩終日以淚洗面，出現產前抑鬱症的症狀，其未婚夫王書麒表示十分擔心。
許秋怡和王書麒將於八月底榮升父母，許秋怡近日接受產前檢查時證實懷的是男胎，本來應是開心事，但她近日卻發現自己有產前抑鬱症的症狀，其未婚夫王書麒對此顯得十分擔心，惟有盡量二十四小時貼身照顧未婚妻。
記者日前致電許秋怡，她說：「我真係唔知乜嘢原因，本來最初有BB嘅時候，我好開心咁等候小生命嘅來臨，不過近排情緒突然變得好低落，成日失眠，自己又會無端端亂諗嘢，有時亦會因為好雞毛蒜皮嘅事同書麒嗌大交，重會發好大脾氣，跟住又會喊唔停。」
許秋怡情緒波動很大，她因為休息不足，又經常以淚洗面，頭痛的情況很嚴重，要食止痛藥，她說：「我都知日日食止痛藥，好對唔住肚裏面嘅BB，但我個頭真係痛得好緊要，我都問過醫生會唔會對BB有影響，醫生話一粒份量都還可以。」
問到秋怡為何突然有產前抑鬱症的情況出現？她說：「可能呢排有非典型肺炎，我陀住個BB好大壓力，出街又好擔心會受感染，喺屋企又悶，打開電視睇新聞，唔係講肺炎幾多人死，就話打仗，娛樂圈又有人死，樣樣都係唔開心。」眼見未婚妻的情況，王書麒十分關心，他說：「𠵱家我可以做到嘅係對秋怡做足一百零一分嘅關心，佢話乜我都唔逆佢意，希望可以同佢分擔陀BB嘅辛苦，令佢唔好太過憂心。」
採訪：比華利 攝影：陳偉權
