喺剛啱舉行嘅巴塞隆拿車展中，法國雷諾車廠展出有多款新車，當中至為矚目會係全新MeganeⅡSportSaloon房車及SportTourer旅行車型號，並有望於短時間內推出㖭！
造型設計與現有MeganeⅡ相近嘅SportSaloon及SportTourer型號，皆予人有一份似曾相識之感，事關車首線條與現有掀背型號相近之餘，其中SportTourer旅行車版嘅車尾，重帶有點LagunaⅡSportTourer嘅影子，而闊大直立式尾燈配搭，亦能給予尾隨車輛有清晰明確嘅提示呢！
至於車廂方面，由於兩者嘅軸距都比原有掀背型號多出61mm，故此車廂空間亦會來得寬敞闊落，加上承托力極高嘅座椅及齊全車廂設備，乘坐倍見舒適愜意；然而，廠方亦會為新車提供有多個引擎配搭選擇，包括1.4公升（98匹）、1.6公升（115匹）及2.0公升（136匹）等等，以切合不同用家需要，加上多項主動或被動式安全設備，從而為你帶來更安全嘅乘車環境。有興趣嘅車迷，不妨留意一下佢嘅確實推出日期喇！