阿姐汪明荃主持的節目《紅星追聲名歌Sing》，前晚在尖沙嘴海洋皇宮大酒樓筵開十二席錄影，這是無綫自上月底非典型肺炎肆虐以來首次有現場觀眾的節目。而阿姐的演唱會已決定延期至下月二十九和三十日舉行，阿姐稱若屆時非典型肺炎仍未受控制，即是政府不濟。
汪明荃前晚在尖沙嘴海洋皇宮大酒樓，為主持的節目《紅星追聲名歌Sing》錄影，嘉賓有朱咪咪、李龍基和JoeJunior等。
前晚是無綫自上月底戒炎以來，首次有現場嘉賓的錄影節目，現場筵開十二圍，部份出席的觀眾戴上口罩，阿姐表示到場的都是張耀榮的朋友，她說：「有現場觀眾氣氛始終好啲。」而觀眾入場費每位二千五百元，可任點餸菜。
張耀榮表示，阿姐的演唱會已決定改期至下月二十九和三十日舉行，他說：「應該冇事啦，Beyond都定咗四月三十號開，再延期就弊㗎啦！」阿姐則說：「去飛嘅情況應該OK，如果到時重控制唔到，呢個政府都唔掂啦。」
前晚的話題是登台，阿姐亦自爆登台瘀事，她說：「有一次登台，陳欣健嚟捧場，我好緊張，一唱完就問佢我唱成點，陳欣健就問我做乜坐佢大髀，原來我緊張到坐住佢大髀。」
張耀榮昨日在紅磡出席一記者會時，表示有意效法深圳，在紅館場外設紅外線體溫探測，他還透露郭富城已推卻七月開個唱，而檔期分別由陶喆和黃霑頂上。
另外，因肺炎影響酒樓生意，張耀榮則說：「差咗好多，就算𠵱家政府嘅救市方案，話會退稅，但你死都未退到畀你啦！」
採訪、攝影：胡比
