與其放假悶喺屋企，倒不如趁這不願上街的日子，為家居添點新姿彩，對住間靚屋，心情自然都靚啲。其實日子久了，對住天天一樣的四壁也實在有點悶，加上小朋友會弄污牆壁，殘殘舊舊，置身其中也變得沒有朝氣。想醒醒神，不妨替牆壁化個靚妝，做法亦十分簡單，不用勞動大師傅，自己動手亦沒有問題。
只需利用一塊碎棉布，把它扭成一團，利用碎布上的褶紋，把乳膠漆印到牆上，就形成新的圖案，既有心思又可使一屋有煥然一新的感覺。
記者：陸伊琳 鳴謝：駱駝漆
小貼士
1.要效果突出，要避免和底色採用太近似的顏色。
2.要是效果不理想，宜用清水濕布即時抹去，待乾後再施工。
3.除碎布外，可試用其他不同物質如膠袋、保鮮紙、海綿等。