小商戶：借咗錢都冇得還

【本報訊】「叫佢去死！借貸又唔係唔使還，𠵱家根本冇得做，借畀我都冇錢還啦。」在尖沙嘴金馬倫道開業十多年的福源堂藥業，職員羅先生提起董建華三字即咬牙切齒，批評政府提出的紓困貸款保證計劃根本冇用。

「彌敦道個個叫救命」
羅先生表示，在尖沙嘴開業主要做遊客生意，但近月遊客減少，每天營業十二小時都只能做二、三百元生意，連舖租也賺不到。「本地個個都失業，有人肯消費咩？成條彌敦道個個叫救命。」羅先生表示，老闆與業主商討減租不果後，前晚決定在月內執笠結業。
在堪富利士道開設十多年電器店的負責人陳先生表示，近月生意額跌了九成多，「咁大個仔都未試過咁差，𠵱家連大陸客都冇。」他表示，對政府推出的紓困貸款保證計劃信心不大，「都唔知係咪咁易借，以前問銀行貸款真係難過登天。」

「金融風暴好過𠵱家」
「十幾年都未曾試過咁差，就算以前金融風暴都好過𠵱家。」在竹園邨商場經營髮廊的鄭少基稱，現全日只做得幾百元生意。他表示，本來打算要清潔員工放無薪假，現時政府削減排污費和水費對他來說是暫緩措施，「都可以暫時減輕吓負擔。」
「有得減都好，不過想令到大家開心嘅都係嗰樣（董建華下台）。」在樂富中心經營十多年精品文具生意的盧先生表示，減免租金可以「唞唞氣」，近月來生意下跌六成以上，現時只希望可以賺回舖租。