英國靚仔男星祖迪羅（JudeLaw）同老婆莎迪霍絲（SadieFrost）嘅感情，真係好難捉摸，早排先見佢哋喺新片嘅派對上好鬼親密咁出嚟見人，上個星期佢哋重趁復活節假期，一家人齊齊去法國度假㖭！點知去唔夠兩日，莎迪就嬲到仔女都唔顧，即刻飛返倫敦屋企。據莎迪嘅朋友所講，話佢覺得祖迪羅實在好難頂，令佢覺得忍無可忍囉喎！睇怕佢哋兩個嘅婚姻都係遲早完。