雖然SARS風潮未清，但亞Mark近日所見，車迷睇車同買車嘅意欲，已較前有點回升；繼上星期福士代理搞咗個大型RacingFeel嘅新車展銷，有唔錯反應之後，亞Mark剛啱又收到消息，話萬事得部全新RX-8跑車嘅亞洲巡迴展，嚟緊月底會到臨香港，時藉RX-8有份演出嘅X-Man第2集同期登場，相信會刺激起一班車迷嘅睇車潮呢！聽聞呢部巡迴展出嘅RX-8，屆時會響萬事得位處葵涌嘅MazdaCentre連續展出一星期，可會是呢部全新RX-8跑車正式登陸香港嘅一次大型Pre-Launch。若然你想睇吓呢部全新概念、採用雙揭式車門設計，以及雙轉子Turbo引擎（馬力250匹）跑車嘅風采的話，就真係唔好錯過機會喇！