韓國「大佬」申恩慶前日拍緊《我老婆係大佬2》嘅動作戲嗰陣，唔小心俾對手打傷咗隻眼，當場紅晒腫起，啲工作人員見情況不妙，即時將恩姐送去醫院急救。雖然𠵱家重未有檢查結果，不過有人傳話恩姐好有可能面臨失明危機，搞到啲工作人員好擔心，噚日上午恩姐去咗漢城一間大醫院進一步檢查，我羅拉都希望佢冇事喇，話晒都等緊睇續集㗎嘛！