「你要我哋上戰場打仗唔緊要，好似打伊拉克咁，但係你要畀足夠子彈同埋武器。」一位大埔那打素醫院醫護人員投訴說。
她表示，工作的病房最近因有病人懷疑染上非典型肺炎，所以由中度風險變成高度風險。醫護人員獲准戴上N95口罩，但防水的保護衣及眼罩仍不足夠，因為要先應付極高風險，即深切治療病房的需要。
她強調，上級叫她們先穿上一件好像燒臘舖店員使用的「圍裙」，外面再加上一件布袍「頂住先」。「我哋知冇用，有位護士長扶住個病人，佢忽然嘔起嚟，護士長即時去清洗外袍，都一樣中招啦！」
預防物品不足是一個問題，人手短缺又是另一個問題。那打素上周起抽調了三分之一的人手往深切治療部，又把一些專科病房合併。但人手沒有適當增加，以致一些病房，一旦出現病人情況告急，就做到「踢晒腳」。
她並稱：「醫管局行政總裁何兆煒叫我哋寧慢勿急，但係咁多cases（個案），點慢得。」加上急症室收症又混亂，病人明明發高燒，肺都花了，也要由一般或專科病房收留。「我哋可用嚟隔離嘅房都用晒喇，點收？」一些剛畢業的護士聽到要派往治療非典型肺炎的病房，就高喊賠錢不幹。但像她們已經工作多年，又要供樓，實在沒辦法臨陣退縮。
本報記者