全國人大港區代表李鵬飛呢輪火氣好猛，皆因見到老董打沙士乜都慢幾拍。
「如果由我處理，我會好果斷。第一，先封關，中港兩地乜都停，旅遊、探親都停晒佢；第二，每日來港嗰百五人要先隔離十日，冇事先好嚟；第三，要講清楚啲人點染到沙士，我哋要知。」飛哥咁勞氣都冇用啦，老董好似借咗聾耳陳隻耳。
但飛哥一於冇有怕，講完又講。佢噚晚去董事學會晚宴，又起身講一次，話香港同廣東都係最多人染到沙士嘅地方，冇理由每日重畀十幾二十萬人來來往往，互相傳染，其次胡錦濤話肯幫，就請大陸發證明書畀嗰百五人，證明佢哋冇事。重有我哋有三百幾個醫護人員病咗，咪向中央借人咯。
老董如果肯咁果斷，香港使乜變成咁。
（圖）飛哥（右）飯前用消毒濕紙巾清潔雙手，身旁嘅鍾逸傑就連面都抹埋。
韋志滿攝
傳真︰2623-9278
電郵︰