老董噚日公布救市方案，大家初頭以為大贏家又係自由黨、民建聯，點知爆大冷，田少方案冇樣中，反而職工盟李卓人同工聯會鄭耀棠「中獎」。
有官場中人同八方講，其實早排田少喺停供強積金問題上同政府砌到咁盡，已經得罪唔少人，今次政府推救市方案，好多建議同佢哋要求「唔對嘴」，好似貸款變咗限定用嚟支薪、減費幅度又細過佢哋嘅要求，難怪有議員形容田少向阿松說話「句句有骨」，話「今次李卓人、鄭耀棠會易啲解畫」。
但李卓人未至於天真到以為政府幫佢，佢估係政府驚老闆冇糧出，關門大吉，工人走去攞破產欠薪保障基金，基金頂唔順，不如𠵱家派錢出糧好過。
傳真︰2623-9278
電郵︰