咪以為貪靚是女仔的專利，其實男仔都會貪靚，只是程度跟女仔無得比。漸在娛圈竄紅的年輕組合Shine，成員徐天佑黃又南都很緊張自己的外表，一個欣賞自己的大眼，一個則堅持留長髮。講到扮靚，雖然唔會好似女仔咁搽脂盪粉，但兩位19歲的年輕人，都會用護膚品清潔和保養皮膚，務求以最佳狀態見Fans。
記者：羅惠芬
攝影：楊錦文
場地提供：Shooters52
Shine二人有一個共同嗜好，就是打籃球，天佑更曾經是籃球校隊代表。「我哋最鍾意做控球後衞，又鍾意搶快攻，都幾夾㗎！」不過，入行後工作太忙，以打籃球當做運動的機會已經大減。幸好，兩子同屬食極都唔肥的人，少做運動都唔怕變肥仔。
Shine每次出街，都愛拖着兩個大背囊上街，放了不下數十樣東西，除了MD機不離袋外，還有兩樣不可缺少的隨身用品。
在Shine這隊組合中，徐天佑一向被公認較靚仔，粗眉大眼，是典型的少女殺手。「其實我睇番自己啲相，都會覺得『嘩，點解咁核突？眉又粗、鼻又扁……』」唯一令他滿意的地方，只有一雙眼，因為「我遺傳咗媽咪對靚眼，夠大又有神！」
記憶之中，黃又南出道至今，都是以長髮示人，尤其額頭的前蔭，經常遮掩了半隻眼，好有日本少女漫畫內的男主角Feel。
以為他會忍受全日遮住對眼，事實卻是「我最憎俾頭髮遮住視線，所以在屋企一定會用頭箍和橡筋束起頭髮，永無例外。我試留過短髮，效果唔好，惟有作罷。」
天佑是在入行後才開始護膚，所用的產品也非常簡單，潔面啫喱加面霜就搞掂。
a.~H2O+海洋清潔啫喱$220
b.LCM三合一均衡保濕液（混合性皮膚）$200
又南則在家姐耳濡目染下，已有幾年用護膚品的習慣，主要也是潔面加滋潤，不過在一班男性朋友中，已被當成貪靚之人。
a.LCM潔面泡沫啫喱$140
b.IPSA柔潤潔面乳$195
c.IPSA生肌再造霜$520
d.LCM三合一均衡保濕液（油性皮膚）$200
查詢
~H2O+
29177213
IPSA
31010963
LCM
22658665