內地拍劇齊齊除罩另有計
東東、宣萱食野生菇防炎

陳曉東、大S（徐熙媛）及宣萱等早前在大理和雲南拍攝台劇《倩女幽魂》，眾人在拍攝空檔都有戴口罩，防避非典型肺炎。他們又多吃雲南野生菇類，聽說有抗菌和抗癌作用。

陳曉東、宣萱、大S、恬妞和元華等，早前分別在大理、雲南及番禺拍攝台劇《倩女幽魂》，非典型肺炎在內地擴散嚴重，但眾演員因拍戲關係，未能時刻戴上口罩。
東東表示大理人指當地位處高原地帶，氣壓甚低，病菌在氣壓低的地方難以滋生，所以當地不會有傳染病，其經理人羅嘉慧日前在電話中說：「我哋喺過年前已經喺番禺拍完晒外景，嗰陣時非典型肺炎重未係咁嚴重。」
羅嘉慧續說：「之後我哋去雲南，嗰邊嘅人就同我哋講，話高原地方唔會有菌，但我哋唔使拍戲時，都會戴番口罩，又食好多野生菇類，聽聞話會有抗菌同抗癌作用。」

東東皮膚敏感
雖然劇組人員避得過非典型肺炎一劫，但東東卻因黐頭套及黐鬚致皮膚敏感。上星期東東在大理拍煞科戲時，因黐鬚導致嘴唇四周又紅又腫，回港後即時看醫生，目前其皮膚敏感狀況亦已好轉。羅嘉慧說：「東東喺嗰邊又氣喘，個人好乾，啲皮膚未好過。大家都係用同一隻膠水，但係人哋就冇事，我哋笑佢面皮薄！」

恬妞勾佬尷尬
大S亦做足防炎工夫，除拍戲外，口罩不離身，《倩》劇監製楊紹雄在電話中對大S讚不絕口說：「大S係繼翁美玲之後另一個可造之材，佢冇接受過演藝訓練，但一埋位就上身，做得好好。」
此外，宣萱在劇中與內地武打演員吳京飾演情侶，恬妞則與元華演夫婦，劇情講述恬妞、元華二人婚姻出現問題，恬妞要外出勾引男人，她表示拍攝期間尷尬非常。