老董近排要十分落力咁搵機會出鏡，好等北大人睇吓，佢唔係流嘅。不過佢講親沙士都開口夾着脷，其他活動又因為沙士而取消得七七八八，唔通要日日都自己走出嚟開記者會？
好彩呢個時候有法國人嚟打救佢，邀請佢出席下個星期二嘅「拿破崙大展」開幕典禮。八方問過，呢個活動會如常舉行，特首辦中人則話，咁顯示香港嘅情況開始正常化，係好事。
不過呢個邀請真係嚟得及時，對阿董來講更加係好事，所以佢一定仆到去，因為𠵱家想搵人捱義氣搞吓活動都唔易。展覽會包括拿破崙嘅家族塑像、法國宮廷家具、珠寶同服飾，重有其妻約瑟芬嘅畫像等。法國駐港總領事館揀呢個時候，同康文署喺香港合辦一代霸主拿破崙嘅展覽，究竟有冇深意呢？
﹙圖﹚特首下周二會出席「拿破崙大展」開幕禮。
傳真︰2623-9278
電郵︰