有讀者投訴，話有日去紅磡火車站攞咗個九鐵派發嘅口罩，點知未戴上面，兩條橡筋繩一扯就斷咗。八方即時搵九鐵發言人問個究竟，點解搞到咁失威？
九鐵發言人話佢哋都一肚苦水，好似最初由人手逐個派，乘客覺得唔夠衞生，於是拿拿聲改為獨立膠袋包裝，成本增加到七毫一個。鬼叫九鐵主席田北辰講過，疫情一日未消滅，一日都會繼續派口罩咩，九鐵惟有不計成本咁入貨，到𠵱家已經派咗過百萬個口罩。講到口罩品質，九鐵發言人話已經十分正，乘客有問題可以即場要求換，保證一定換到個新嘅。
九鐵不停大出血，復活節假收入又冇起色，本地客比往時少咗兩成半，連最賺錢嘅跨境客，都少咗三成幾，相信大家現時嘅希望只有一個：就係沙士快快過去。
傳真︰2623-9278
電郵︰