北京執行問責制，衞生部長張文康黨組書記職位不保，由常務副部長高強臨危受命。呢位高強先生，喺記者會表現唔錯，其實香港人應該對佢有印象。
八方記得九七年前，香港尚未回歸，曾蔭權做財政司，剛剛離開港交所之鄺其志，當時任庫務司，負責搞過渡期預算案，而鄺神童喺北京嘅對口單位係國務院財政部預算司，當時呢個司嘅司長就係高強。
高強同鄺其志交過好多次手，亦熟悉香港情況，後來佢升官任國務院副秘書長，更以經濟學者身份輾轉去咗衞生部做常務副部長，如果今回打勝非典呢場仗，就前途無限。
至於接任北京市長之王岐山，佢南調過廣東，搞掂廣信案，港人更唔會對佢陌生。
傳真︰2623-9278
電郵︰