「證券界長毛」DavidWebb噚日去恒生銀行股東會踩場，成為大會焦點，八方當然唔會錯過。
阿Webb喺會上成為「問題股東」，九成問題都由佢搶咪發問。佢咁做其實都係想畀上市公司一啲壓力，希望佢哋加強公司管治，例如話恒生搵鄭裕彤等有業務往來人士做獨立非執行董事，唔係幾妥。
個會其實唔算火爆，主持會議嘅恒生董事長艾爾敦出名係謙謙君子，會上重同阿Webb有講有笑，但係問咗一個鐘都未投得票，搞到有啲股東唔耐煩走人，阿Webb可能有啲唔好意思，話不如請佢食飯詳談，但艾爾敦好識回敬，話阿Webb上個禮拜剛當選港交所董事，唔知接受佢邀請啱唔啱規矩。鬼佬對鬼仔，有時針鋒相對都變成禮尚往來。
傳真︰2623-9278
電郵︰