謝霆鋒昨日到港台接受《娛樂滿天星》訪問，對於楊受成旗下雜誌刊登其偶像黃家駒的遺容照，霆鋒覺得應該尊重離世的人，他說：「我唔理邊個旗下，唔啱就要講。好似特首做錯咗都要講，我都係以普羅大眾身份表達啫，如果你係嗰個人又點呀！」
對於現時樂壇，霆鋒表示有很多標榜創作的新舊歌手，但很多都未夠火候，他也是未夠功力，所以從來也不會規限自己每張碟的創作量。
霆鋒還透露日前錄新歌感觸落淚，他說：「因為前排好多唔開心嘢，咁啱錄首歌時把聲拆拆哋，令我諗起日本傳奇歌手尾崎豐，我重要求監製錄低呢個拆聲版本，至於可唔可以出街，就要過咗公司嘅木人巷先。」
採訪、攝影：駱華齡